សៀមរាប៖ នារីស្រស់ស្អាតវយ័២៧ឆ្នាំម្នាក់ ត្រូវប្តីវ័យ៥០ឆ្នាំ ទាញកាំភ្លើងខ្លីបាញ់ទំលុះដើមទ្រូងខាងឆ្វេង បណ្តាលអោយរងរបួសធ្ងន់ធ្ងរ ដោយសារតែភ្លើងប្រច័ណ្ឌ រួចបើកឡានគេចខ្លួនបាត់។ សមត្ថកិច្ចមូលដ្ឋានបានឲ្យដឹងថា ហេតុការណ៌នេះបានកើតឡើងនៅវេលាម៉ោង២និង៥០នាទីរំលងអធ្រាតឈានចូលថ្ងៃទី២២ តុលា ២០២០ ស្ថិតនៅចំណុចមុខសាលាបឋមសិក្សាសាមគ្គី(ផ្លូវជាតិលេខ៦)ឃុំស្រណាល ស្រុកក្រឡាញ់ ខេត្តសៀមរាប។
ករណីប៉ងធ្វើឃាត មិនបានសំរេចមួយកើតឡើងបង្កដោយ ជនសង្ស័យត្រូវជាប្តី មាន ឈ្មោះ ចាន់ ផល ហៅពៅ ភេទប្រុស អាយុប្រហែល៥០ឆ្នាំ ទីលំនៅភូមិស្វាយធំ ខេត្តសៀមរាប ជិះរថយន្តពណ៌ខ្មៅមិនស្គាល់ម៉ាកស្លាកលេខ៨៧៨៧ អាវុធខ្លីម៉ាកK៥៤លេខ៣៧៦៣។
យជនរងគ្រោះឈ្មោះ សំអុល សុខដានី ភេទស្រី អាយុ២៧ឆ្នាំ ទីលំនៅភូមិសាមគ្គី សង្កាត់ឫស្សីកែវ ភ្នំពេញ រងរបួសធ្ងន់ចំដើមទ្រូងខាងឆ្វេង១គ្រាប់(បៀមគ្រាប់)។ ក្រោយមានការផ្ទុះអាវុធជនបង្ក បានឡើងរថយន្តគេចខ្លួនបាត់ ចំណែកជនរងគ្រោះ ត្រូវបានសមត្ថកិច្ចដឹកបញ្ជូនមកសង្គ្រោះនៅមន្ទីរពេទ្យបង្អែកខេត្តសៀមរាប។
សមត្ថកិច្ចកំពុងដុតដៃដុតជើងស្រាវជ្រាវរកជនបង្ក ដើម្បីចាត់ការតាមផ្លូវច្បាប់។ ប្រភពបានឲ្យដឹងថា ក្នុងករណីនេះ ជនបង្កគឺជាប្តីមិនទាន់ការ ហើយអាចដោយសារទំនាស់ពាក្យសម្តីប្រច័ណ្ឌ ៕
